Umeei dantza erakusteaz gain, helduei ere erakusten dizkiegu dantza batzuk. Astelehenetan ordubeteko saioak egiten ditugu, eta Urretxuko arin-arin eta fandangoa ikasten hasi ziren arren, gaur egun beste dantza batzuk ere badakizkite. San Juan gauean, ekainaren 23an, Urretxuko plazan suaren inguruan dantzariok eta herritarrek dantzatzeko aukera izaten dugu. Bertan dantzatzen diren dantzak erakusten dizkiegu, hala nola, “balkarlos”, “herri dantza”, “zazpi jauziak”…